充電器之五：洗碗

吓？洗碗都叉到電？

係呀！女士們可以放心叫伴侶洗碗，而男士又可以洗得開心啲喇！

有研究顯示，洗碗可以降低兩成多壓力，而條件是專注感受，如香皂氣味、水溫和觸摸碗碟等等。降低壓力原因估計有三：

一、接觸流水時，負責放鬆的神經會被活化；聽到流水聲，大腦感到身處大自然，會穩定情緒。

二、動作規律簡單，跟人體的脈搏、心跳有一致的節奏感，會讓腦部放鬆。

三、獲得成就感，將碗盤洗乾淨會產生成就感而快樂。

我自己親身的經歷也符合上述研究結果。每晚睡前，我都會做一系列的家務，大部分時間用在執碗及洗杯，其他包括加水、煲水、製冰及倒垃圾等等，都能夠讓我有放鬆、集中、滿足及愉快的感覺。

今天下午，我主動向太太提出我洗碗，她便開懷一笑，也令我同感快樂。其實我知道她會叫我洗碗的，而既然我都會洗的話，何不主動提出，增加大家的快樂及自己的自主感？

唔鍾意但又必需要洗碗嘅朋友，記得嘗試兩大秘訣——專注感受同主動提出，睇吓幫唔幫到你減壓？