原汁原味課程回饋

為什麼要這麼強調「原汁原味」？

因為「原汁原味」才可反映學員最真實自然的感受，也代表我完全接納學員，不需修飾。

以下原汁原味轉載學員對《職涯輔導 X 設計思維》課程的回饋：

我都課後回饋一下, 感謝你的課程。🙏🏻

完成了輔導職涯課堂。膽粗粗嚟報讀上堂，之前冇上過呢類型課堂，香港亦好少見，係TREEHOLE見到，同時很切合心中困擾多年都解決唔到的工作疑慮 ，便決心嘗試報讀。

每堂講既嘢都令我有些反思、睇法的逆轉或衝擊，特別係聽到老師講點解你會夠膽放棄高薪厚職，鐡飯碗，毅然去追求理想！

第二堂聽到你講你的經歷同唔好將人生的決定諗到咁大，決定錯會死，同接受自己現況，好大反思，因為我正正就係因為呢個問題而嚟上堂！之後每堂都有得著, 會引發個腦好多衝擊或引起好多諗法或反思。

第五堂聽完你寫的「大樹．蒲公英的故事」，有些啟發及觸動。由「自己本身的限制」、「社會的限制」、「工作環境或條件的限制」、到「人與人之間的限制」。反映到「家庭背景對自己的限制」、「自我要求或批評造成對自己的限制」。

當聽到同學之間的分享和導師的分享自身經歷，原來每個人、每個人生，都有著大大小小不同的難處，無完美的人生，冇Ready先行出去的準備，因為我地每日未Ready都要行出去。

我地都有想過的生活、想做的工作、鍾意d咩，但原來一下子問自己，都唔係咁知自己要咩? 不過慢慢諗，會慢慢清晰，需要俾D時間自己。

需要重新俾一些時間自己，對認定的自己或自己對自己的偏見，一些覺悟。

需要重新俾一些時間自己，對自己的習慣，很久的陋習，更清楚箇中原因。

有心底想走的路，想過的生活，但好似唔識點行！或者是有規劃但不實行，又或不能實行。「被迫 vs 唔敢」「被困的大象」「離水的魚」=> 踏出一步的勇氣！

現實好難，未必成功，但心仍是很想，或者應該回到最初心，驗證自己的心流！諗諗下又想起當初初出茅廬「認為的工作」憧憬 vs 現在唔啱自己的工作：「初心 vs 現實框框」。

可能一切都源自自己的內心，首先要接受現在的自己。

感謝導師，感謝每一位同學，人與人之間係互相影響，希望您們繼續前行，過自己想過的精彩無悔的人生！