白色嗰舊嘢 (2020-9-11)

實在好對唔住大家！

呢個專頁嘅目標，本來係分享一啲建築心靈健康嘅資訊，可惜天氣不似預期！

前晚出咗關於專頁三週年篇文之後，已經有十幾個朋友當面或者whatsapp問我，究竟宜家櫃上面個舊白色嘢係咩嚟！

從大家嘅表情同語氣，我完全感受到大家見到一啲自己唔識嘅嘢嘅時候，嗰種深層次焦慮。尤其係唔識我嘅朋友，佢哋好想知道嗰舊白色嘢係乜，但係又怕留言暴露身份，或者俾人知道自己唔識嘢，嗰種內心嘅掙扎，夜闌静，問有誰共鳴？

喂！錯重點呀！之前篇文，係想講遇到問題時可以選擇如何面對呀！點解無人講吓對篇文嘅感想㗎?

不過放心，作為一個專業輔導員，你嘅重點，係會變成我嘅重點嘅！

嗰舊白色嘢係，鈒！骨！機！

未聽過？唔緊要啦！我前日先識。

係用嚟車衫邊收口用，T裇啲袖口衫尾呀，就係靠佢！俾多張近鏡你睇又點話！

講完你嘅重點，我又loop返我嘅重點：遇到大家關心白色嗰舊嘢多過我文章嘅內涵呢個世紀難題，我選擇咗用廣東話啜核地幽默一番！開心哂！