筆生奇遇記 (2021.3.15)

原來筆係可以寫得爛！

噚日親手寫咗十多篇回應學生作業嘅信，今日再寫日記時，突然感到筆頭一窒，就再無墨出嚟！

睇真啲，可能係筆尖太操勞，受重傷跪低咗，跟住入面支針都跌埋出嚟。佢咁就去咗……嗚嗚嗚……

哎哎哎……作為輔導員嘅我，又點會咁易放棄呢？

我同佢講：「阿筆生，支筆芯……砰唔係你嘅全部！」

佢唔出聲，梗係心諗：「唉！你唔明㗎喇！冇咗筆芯，我就冇哂用！冇哂價值㗎喇！我以後點算呀？」

我就話喇：「冇咗筆芯，你重有筆身同筆蓋呀嘛！」

佢依然冇出聲，好似唔係好明。

我於是再講：「乜你唔知而家興攞走你啲friend嗰支筆芯，然後用嚟㩒lift咩？筆蓋重緊要，用嚟收埋啲病毒㗎！」

佢都係唔出聲，不過今次係感動到出唔到聲！

嘩幣！十二點喇！又寫唔到日記添！

不過輔導咗阿筆生，都值得嘅！

大家早抖，我已經發緊夢！