top of page
搜尋

原汁原味課程回饋

  • soulrebuilt
  • 2022年11月18日
  • 讀畢需時 2 分鐘

以下原汁原味轉載學員對《職涯輔導 X 設計思維》課程的回饋，留下美好回憶，也鼓勵我懷著感恩、反省、進步及相信的心，繼續這難行的路！


對學員回饋的感覺，就像在迷霧裡發現曙光初現，滿心興奮及期待陽光照遍前路的絢麗景緻！


Hi Andy~


唔知會唔會有啲遲，不過趁住琴日上堂嘅感覺仲意猶未盡嘅時候，好想認真咁多謝你

雖然個課程只有短短6堂，但帶來的力量真係好大，不單止令我哋突破咗以往覺得人生困住咗嘅思維模式，而且你建立咗好鼓勵性嘅討論氣氛，令到我哋學員之間都能夠真誠而不帶批判去分享自己嘅事，被聆聽同互相支持嘅感覺真係好正！


而且亦都俾咗勇氣我哋，去走出實踐嘅第1步，然後就發現其實結果遠遠俾自己預期中好，呢段時間好似真係感受到「做自己」嘅興奮，所以好想多謝你對課程嘅用心，就算打風都仲錄音俾我哋去溫故知新，對以後都會係一個好好嘅提醒

本來參加課程只係想刺激下自己思考未來有咩可能性，但估唔到會有咁大嘅inspiration，得到返掌控人生嘅自由，對未來都有返期待同興奮嘅感覺


同埋Morning Pages真係會越寫越上癮，本來差不多成個星期先的起心肝寫到一次，自從做完原型訪談之後，每日嘅想法同感受都多到自己忍唔住要拎張紙出嚟記低佢，然後寫下寫下由初初勉強寫夠一頁紙，到而家輕輕鬆鬆就寫到差不多兩頁，寫完之後個人又好似真係輕鬆咗好多

希望嚟緊都可以繼續努力整理同聆聽自己，再去計劃未來嘅人生，真係好多謝你帶俾我哋咁多思考同體會啊！




Comentarios

bottom of page